巧遇好耐無見的 hill 仔, 依然咁可愛. 做左大佬仔即刻成熟穩重左.

仲有擁有 "o靚模" 纖瘦長腿身型的多多. 嘩, 跑起上黎真係唔夠佢黎!

攪左好耐才令喜力坐定定與 hill 仔合照

當然又去了我們最愛的 "飯堂" corner cafe

又遇上另一隻曲

連人家 "便便" 都要陪伴在側

見人家 "便" 得過癮, 喜力又唔抵得 "便" 埋一份

婆婆每次見到喜力都笑不攏咀

喜力: 我最愛同 "首領" 玩遊戲

帶喜力玩了大半天, 要慰勞下自己, 有最愛的象拔蚌

仲有貴妃蚌

唔少得 lucky 和喜力最愛的陳福榮甜豬飽, 西貢必買手信

每次甜豬飽出動, 喜力總兩眼發光

叉電中...

玩飽吃飽倒頭便睡, 狗生第一哲學, 值得借鏡

---------------------------------------

曾幾何時, 西貢行是每周的必備節目, 因每星期都帶 do do, lucky 覆診.

雖然看醫生並不是 "好事", 但每次都可以遊車河, 到處吃 tea, 在碼頭散步, 影影相, 有時買下芒果, 有時買下狗食, 悠悠閒閒過一個 weekend, 所以每次我都當作是帶牠們 "去街街", 亦好期待每周的這一天.

因為牠們, 才讓我們每周都有難得的 family day.

事過境遷, 如今已經沒有這個 weekly 節目了, 但於我, 仍然好懷念昔日遊西貢的日子. 我仍然好記得去年3月1日的那一次, 包括那碟難吃的干炒牛河; 3號風球落大雨的那一次, 和巧記的海南雞飯; 試衫衫的那一次; 匆匆買咖啡的那一次; 和抽蛋糕扭蛋的那一次...

現在久不久便帶喜力去西貢, 借和喜力 "去街街" 的名義, 暗暗回味跟牠們的日子. 

每次在碼頭散步時, 在吃著 tea 時, 我總想著牠們也有一同 join, 只不過是退居到幕後過退休生活, 把陪伴和聯繫 family 的使命交給年青力壯的喜力仔吧了.